سابق شوروینینگ حربی کوچلری افغانستانده بیر نېچه ییللیک حضوریدن کېین بوندن ۳۷ ییل ایلگری دلو آیینینگ ۲۶ -کونی مملکتنی ترک اېتگن اېدی.
سابق شوروی حربیلرینینگ افغانستاندهگی اۉن ییلگه یقین حضوری دوریده بو مملکت کېنگ و قانلی اوروشلر گواهی بۉلدی و بو کوچلر افغانستاندن چیققندن کیین هم ناتینچلیکلر دوام اېتدی.
طالبان اوشبو کون مناسبتی بیلن افغانستانده عمومی رخصتی اعلام قیلگن.
افغانستاندن سابق شوروی حربی کوچلری چیقیشی، مملکتده تینچلیکلرنی اۉرتهگه آلیب کېلیشیگه سبب بۉلیشی خصوصیده امیدلرنی یرهتگن اېدی بیراق بو کوچلر چیقیشی هم تینچلیککه سبب بۉلمهی مملکتده اوروش ینگی بیر باسقیچده دوام اېتدی.
بو حربیلر چیققندن کیین، اۉشه وقت حکومتی و مجاهدلر گروهلری آرهسیده و اوندن کېین مجاهدلر ارا قوراللی تنقشوولر افغانستاننی جدی ناتینچلیکلر و ویرانگرلیکلر تامان آلیب کېتدی.
شو سبب شوروی حربیلری حضوریگه قرشی بۉلگن قورالی گروهلر بو حربیلر چیققندن کېین افغانستاننی باشقیرالمهی اۉز-ارا اوروشلرنی باشلب کېنگ قربانلیکلر و ویرانگرلیکلرگه سبب بۉلگنلری تنقید اېتیلهدی.
