سوريه دولتیدن عراققه کۉچیریلگن محبوسلر رۉیخطیگه کۉره، اوشبو محبوسلر آرهسیده۲۵ نفر افغانستانلیک هم بار.
عراق عامهوي اخبارات واسطهلرینینگ خبر بېریشیچه، عراق عدلیه وزیرلیگی تیناوون (دوشنبه،۲۷ دلو) اوشبو رۉیخطنی اعلان قیلگن.
رۉیخطگه کۉره۶۰ دن آرتیق دولت فقرالری جمعی بېش مینگ۷۰۴ نفر داعش محبوسی آرهسیده قید اېتیلگن.
محبوسلرنینگ یرمیدن کۉپی سوريه فقرالری حسابلنهدی. سوريهدن کېین عراق و تونس داعش محبوسلری سانی بۉییچه اېنگ یوقاری اۉرینده تورهدی.
شونینگدېک، رۉیخطده۲۵ نفر افغانستان،۲۳ نفر اېران و۱۷ نفر پاکستان فقراسی هم داعش محبوسلری آرهسیده اېکنی کۉرسهتیلگن.
اوشبو محبوسلر سوريه شِمالی-شرقیده، کردلر یېتکچیلیگیدهگی سوريه دېموکراتیک کوچلری نظارتیدهگی قماقخانهلرده سقلنیب کېلینهیاتگن اېدی.
امریکا تامانیدن قۉللب-قوّتلنگن کردلر یقینده سوريه مؤقت حکومتی بیلن بۉلگن تۉقنهشوولردن سۉنگ اۉز حدودلرینی بای بېریب، داعش اعضالری و اوشبو گروهگه علاقهدارلیکده گمان قیلینهیاتگن شخصلر سقلنهدیگن اَیریم اردگاهلر همده قماقخانهلر اوستیدن نظارتنی سوريه حکومت کوچلریگه تاپشیرگن.
مذکور قماقخانهلر خوفسیزلیگی بارهسیدهگی خواطرلر کوچهیگن بیر پیتده، امریکا اوردوسی داعش محبوسلری عراققه کۉچیریلیشینی معلوم قیلدی.
عراق حکومتی محبوسلرنی اۉز دولتلریگه تاپشیریش مسألهسیده تېگیشلی دولتلر بیلن مذاکرهلر آلیب بارهیاتگنینی بیلدیرگن.
