بوگون فبروری آیینینگ ۲۱-سی «خلقارا آنه تیلی» کونیگه تېنگ دیر، بیرلشگن ملتلر تشکیلاتینینگ تعلیم، فن و مدنیت ادارهسی یا -ده «یونسکو» میلادی ۱۹۹۹ – ییل «خلق ارا آنه تیلی» کونی خصوصیدهگی قرارنی قبول قیلگن اېدی.
دېمک یونسکو تشکیلاتی میلادی ۱۹۹۹ – ییل ۱۷ – نوامبر کونی، بنگلادیش حکومتی تکلیفی اساسیده ۲۱ – فبرورینی خلقارا آنه تیلی کونی مناسبتی دېب قبول قیلدی.
اوشبو تاریخدن بېری بوگون آنه تیلی خلقارا کونی اولهراق، دنیا بۉیلب تورلی تیللر قدرلنیشی مقصدیده نشانلنیب کېلینماقده.
آنه تیلی خلقارا کونی عادی بیر تاریخ بۉلمهی بلکه بو کون اتهلیشی آرتیده بیر خلق و ملتنینگ آنه تیللری اوچون بۉلگن کورهشیشلری و تۉککن قانلری تورگن که آنه تیل قدریتی دایرهسیده بۉلگن بو کورهشیش نهایتده بنگلادیش ناملی مستقل بیر حکومت اۉرتهگه کېلیشیگه سبب بۉلدی.
واقعه شوندن عبارت که بنگلادیش و پاکستان مملکلتری بیر بۉلگن زمانلری میلادی ۱۹۵۲ – ییل بو مملکت «بنگالی» تیلی رسمی تیل اولهراق رسمیتگه تَن آلینیشی خصوصیدهگی کېنگ کورهشیشلر گواهی اېدی.
پاکستان حکومتی بو طلبلرگه تَن بېرمهی پاکستانده یالغیز «اردو» تیلی رسمی تیل دېب اعلام قیلگنیدن کېین بنگلادیش خلقی ناراضلیک بیلدیردی و اولرنینگ ناراضلیگی زوروانلیک بیلن جواب قیتریلیب قنچهلر آدمنینگ قانی تۉکیلدی.
بو قان تۉکیلیش اساسی میلادی ۱۹۵۲- ییلی ۲۱ – فبروری کونی بنگالی تیل رسمی تیل اولهراق تَن آلینیشی اوچون اویوشتیریلگن ناراضلیک نمایشلر اشتراکچیلر پاکستان حربیلری تامانیدن اۉققه توتیلیشی بیلن دوچ کېلگنی سبب یوز بېردی.
اوشبو واقعهدن سۉنگ بنگالی تیللی خلق کورهشیشلری کېنگ و جدی بۉلیب و نهایت بنگلادیش ناملی مستقل بیر حکومت قوریلدی.
بو واقعه و آنه تیلی خلقارا کونی شونی بیزگه بیلدیرهدی که آنه تیلی قدریتی شونچهلیک کوچلی دیر که بو قدریت دایرهسیده بیرلیک اۉرتهگه کېلگن تقدیرده، خلق اۉز اېرکینلیگینی تاپیشی ممکن دیر.
