افغانستان بۉییچه پاکستان مخصوص وکیلی محمد صادق اۉزینینگ ایکس صحیفهسیده یازیشیچه، اۉزبېکستان جمهور باشلیغینینگ افغانستان بۉییچه مخصوص وکیلی عصمتالله ایرگشاف بیلن آنلاین ملاقات اۉتکزگن.
پاکستان مخصوص وکیلی بو حقده نشر قیلگن بیاناتیده، افغانستانده اۉزبېکستان حکومتیگه قرشی بۉلگن ۲ مینگ و ۵۰۰ دن آرتیق ترورچی حضوری بارلیگینی معلوم قیلدی.
محمدصادقگه کۉره، اۉزبېکستانلیک ترورچیلر پاکستان طالبان تحریکیدن کېین افغانستانده حضوری بۉلگن ایکّینچی ییریک گروه بۉلیشی ممکن دیر.
شونینگدېک اوشبو بیاناتده، پاکستان و اۉزبېکستان مخصوص وکیللری افغانستاندن بۉلگن ترورچیلیک تهدیدلری حقیده بحث قیلگنی هم قید اېتیلگن.
حاضرگچه اۉزبېکستان تشقی ایشلر وزیرلیگی بو ملاقات حقیده بیران تفصیلات بېرگن اېمس.
بو ملاقات شوندهی بیرحالده اۉتکزیلماقده دیر که پاکستان و طالبان مناسبتلری جدیلشب، یقینده پاکستان افغانستانگه قرشی بیر قنچه هوا هجوملرینی اویوشتیردی.
