خلق ارا کېچیریم تشکیلاتی بیر بیانات نشر قیلیب، افغانستاننینگ ننگرهار ولایتیده پاکستان هوا هجوملری عاقبتیده عادی اهالی قربان بۉلگنیدن تنقید قیلگن.
بو تشکیلات تامانیدن نشر اېتیلگن بیاناتده، اوشبو واقعه مستقل و یخشیلب تېکشیریلیشی کېرهکلیگی تاکیدلنگن.
شونینگدېک خلق ارا کېچیریم تشکیلاتی اوروش تامانلریدن عادی اهالی جانی سقلنیشی خصوصیدهگی خلق ارا قاعدهلرنی نظرده توتیشلرینی سۉرهگن.
دېمک ایکّی کېچه ایلگری، پاکستان حربیلری ننگرهار و پکتیکا ولایتلریدهگی بیر قنچه حدودلرده هوا هجوملرینی اویوشتیردی که نتیجهده کۉپلب آدملر جملهدن عیاللر و بالهلر جان بېرگنی اَیتیلماقده.
پاکستاننینگ اعلام قیلیشیچه، بو هجوملر نتیجهسیده ۷۰ یقین ترورچی اۉلدیریلگن. طالبان اېسه ننگرهار ولایتی بهسود اولسواللیگیده عیاللر و بالهلر شامل ۱۸ کیشی جان بېرگنی و ۵ کیشی یرهلنگنینی تصدیقلگن.
عینی حالده افغانستانده بیرلشگن ملتلر تشکیلاتینینگ وکالتخانهسی یا -ده «یوناما» اوشبو هجوم نتیجهسیده عادی اهالی شامل ۱۳ کیشی جان بېرگنینی تصدیقلگن.
ایتیش کېرهک که بو هجوملر، پاکستان و طالبان اۉرتهسیدهگی تارتیشوولر جدیلشگن بیرحالده اویوشتیریلگن. پاکستان رسمیلری ادعاسیگه کۉره، بو مملکتگه قرشی قورالی گروهلر طالبان تامانیدن قۉللب-قوتلنگن حالده افغانستانده جایلهشگن.
طالبان اېسه بو مسالهنی رد اېتیب کېلگن.
