سرپل ولایتیده طالبان خوفسیزلیک قومندانلیگینینگ اعلام قیلیشیچه، بو ولایتده بیر عیال و بیر اېرکک مخدره مادهنی ساتیش و قورال سقلش عیبی بیلن حبسگه آلینگن.
طالباننینگ بو حقده نشر قیلگن معلوماتی اساسیده، مذکور شخصلر سرپل ولایتی گوسفندی اولسواللیگیده حبسگه آلینگن.
سرپلده طالبان خوفسیزلیک رسمیلریگه کۉره، گوسفندی اولسواللیگیده بیر عیال ۱۰۶ گرام شیشه توریدهگی مخدره مادهنی سقلهگنی اوچون توتقینگه آلینگن.
شونینگدېک طالبان بو اولسواللیکدن ینه بیر کیشینی ایکّی کیلوگرام مخدره ماده و بیرته تفنگچه بیلن حبسگه آلگن.
طالباننینگ اعلام قیلیشیچه، بو شخص مخدره مادهنی ساتیش بیلن شغللنگن.
ایتیش کېرهک که بوندن ایلگری هم سرپل ولایتیده بیر قنچه کیشی خودی شو عیبلاولر بیلن طالبان تامانیدن حبسگه آلینگن اېدی.
