روسيهنینگ افغانستان بۉییچه مخصوص نمایندهسی ضمیر کابلوفنینگ ایتیشیچه، اگر تامانلر مراجعت قیلسه، روسيه طالبان و پاکستان اۉرتهسیده واسطهچیلیک قیلیشگه تیار.
اسپوتنیک خبریگه کۉره، روسيه مخصوص وکیلی طالبان و پاکستان اۉرتهسیدهگی کېسکینلیکنی دیپلوماتیک یۉل بیلن حل اېتیش ضرورلیگینی تأکیدلهگن.
پاکستاننینگ پکتیکا و ننگرهار ولایتلریگه اویوشتیرگن هوا هجوملریدن سۉنگ، طالبان کېچه اوشبو دولتنینگ چېگره پُستلریگه هجوم قیلگن و ایکّی تامان اۉرتهسیده تۉقنهشوولر باشلنگن.
مذکور تۉقنهشوولردن کېین پاکستان بوگون اېرتهلب (جمعه،۸ حوت) کابل، قندهار و پکتیکا حدودلریدهگی اَیریم نشانلرنی بامباردمان قیلگن.
طالبان و پاکستان اۉرتهسیدهگی تۉقنهشوولر بیرلشگن ملتلر تشکیلاتی رسميلری همده اَیریم قۉشنی دولتلر وکیللرینینگ مناسبتیگه سبب بۉلگن.
بیرلشگن ملتلر تشکیلاتی باش کاتبی آنتونیو گوترش اوشبو تۉقنهشوولردن خواطر بیلدیرگن، اېران تشقی ایشلر وزیری اېسه ایکّی تاماننی ملاقاتگه چقیرگن.
