بریتانیا باش وزیری کییر استارمرنینگ اعلام قیلیشیچه، بو مملکت حربی بَزهلریدن ایش آلینیشی بۉییچه امریکانینگ تکلیفی تصدیقلنگن.
دیمک اوشبو قرار اساسیده، امریکا قوشمه ایالتلری ایران هجوملریگه قرشی بریتانیانینگ حربی بَزهلریدن ایش آلهدی.
کییر استارمر شونینگدېک مذکور بَزهلردن یالغیز ایران راکتهلری برابریده مدافعه قیلیش و چیکلنگن بیر کۉرینیشده ایش آلینیشینی هم اعلام قیلگن.
ایتیش کېرهک که اوچ کوندن بیری امریکا، اسراییل و ایران اۉرتهسیده کینگ اوروش باشلنگن.
امریکا و اسراییلنینگ ایرانگه قرشی قوشمه عملیاتیدن کیین باشلنگن اوشبو اوروش کینگ دوام اېتیب، حاضرگچه ایراننینگ مذهبی رهبری شامل کۉپلب انسان جانینی آلگن.
شونینگدېک ایران هم بو هجوملرگه جوابا، اسراییل همده عرب مملکتلریده یېرلشگن امریکانینگ حربی بَزهلرینی نشانگه توتماقده دیر.
