پاکستان و طالبان اۉرتهسیده اوروش و تۉقنهشوو آلتی کوندن بیری دوام اېتماقده دیر و حاضرگچه بو اوروش قچان و قندهی یکونلنیشی بیللی اېمس.
طالبان اعلام قیلیشیچه دیورند چیزیغی بویلب اوروش و تۉقنهشوولر جدی دوام اېتماقده دیر.
طالبان اوشبو هجوملر نتیجهسیده بو گروهگه یېتکزیلگن ضربهلر حقیده معلومات بېرمهی یالغیز عادی اهالی اۉلیمیدن خبر بېریب کېلماقده دیر.
طالباننینگ ادعا قیلیشیچه، اۉتگن کېچه ننگرهار ولایتی نازیان تومنیده ایکّی عادی اهالی پاکستان هجوملری عاقبتیده جان بېرگن.
ایتیش کېرهک که پاکستان حاضرگچه طالبانگه قرشی هجوملریده کۉپلب طالبان اعضاسی و باشقه ترورچی گروهلر جنگریلری جان بېرگنیدن خبر بېرگن. بیراق طالبان اېسه بو تلفاتلر حقیده معلومات بېرمهی کېلماقده دیر.
