فراه ولایتیدن محلی منبعلرنینگ ترقتگن معلوماتی اساسیده، بو ولایتده بیر کیشی اۉز آنهسی و ایناغهسینی اۉققه توتیب اۉلدیرگن.
ایتیلیشیچه اوشبو واقعه اۉتگن آقشام فراه ولایتینینگ «ریگی» حدودیده عایلهوی جنجل سبب یوز بېرگن.
بو حقده نشر اېتیلگن معلوماتلرگه کۉره، واقعهده محمود ناملی بیر ییگیت عایلهسینی اۉققه توتهدی، نتیجهده بو ییگیتنینگ آنهسی و بیر ایناغهسی جان بېرگن و ینه بیر ایناغهسی بیلن بیر سینگلیسی یرهلنگن.
معلوماتلرنی بیلدیریشیچه، مذکور شخص طالبان تامانیدن حبسگه آلینگن.
ایتیش کېرهک که سۉنگی وقتلرده، افغانستان تورلی ولایتلریده جنایی جرملر و عایلهوی زوروانلیکلر میزانی آشگن
