طالبلر نظارتی آستیدهگی هلمند ولایتیدن آلینگن محلي منبعلرگه کۉره، لشکرگاه شهریده قوراللی اۉغریلر تامانیدن بیر ییگیت اۉلدیریلگن.
منبعلرنینگ ایتیشیچه، واقعه تیناوون جمعه،۴-ثور لشکرگاه شهری نینگ ۱۰ناحیهسی، «بولان» منطقهسیده صادر بۉلگن.
ییگیت اۉز موترینی ساتیب، پولنی اوییگه آلیب کېتهیاتگن وقتده یۉلده قوراللی اۉغریلر اونگه اۉق اوزیب، اونی اۉلدیرگن همده پولینی آلیب قاچگن.
محلي منبعلر سۉنگگی پیتلرده لشکرگاه شهریده قوراللی تالانچیلیک حالتلری سېزیلرلی درجهده آشگنینی بیلدیرماقده.
شونینگدېک، «اطلاعات روز» گزېتهسی لشکرگاه نینگ «کارته لگان» منطقهسیده صادر بۉلگن ینه بیر قوراللی تالانچیلیک ویدیوسینی هم آلگن بۉلیب، اونده پنجشنبه کونی ۳-ثور ساعت ۱۱:۰۰اطرافیده ایکّی یاش ییگیت نینگ موتر سایکل و شخصي بویوملری اۉغیرلب کېتیلگنی تصویرلنگن.
طالبلرنینگ هلمنددهگی محلي رسميلری حاضرچه بو حادثهلر یوزهسیدن ایضاح بېرمهگن.
بو کبی جنایتلر طالبلر مملکت بۉیلب تۉلیق خوفسیزلیک تأمینلنگنینی دعوا قیلهیاتگن بیر پیتده صادر بۉلماقده.
