بیرلشگن ملتلر تشکیلاتی بالهلرنی قۉللب-قۉتلاوچی جمغرمهسی یا -ده «یونیسف» بیر حسابات ترقهتیب آگاهلنتیریشیچه، افغانستان میلادی ۲۰۳۰ -ییلگچه مینگلب عیال خادم یېتیشماوچیلیگی معماسی بیلن دوچ کېلهدی.
یونیسفنینگ آگاهلنتیریشیچه، افغانستان اوشبو ییلگچه کمیده ۲۰ مینگ عیال اۉقیتووچی و ساغلیق ساحهسیده ۵ مینگ و ۴۰۰ عیال خادم یېتیشماوچیلیگی بیلن دوچ کېلهدی.
اوشبو تشکیلات حساباتیگه کۉره، بو وضعیت طالباننینگ عیاللر اۉقیشی و ایشلشی برابریده قۉیگن چیکلاولری سبب اۉرتهگه کېلهدی.
شونینگدېک، یونیسف بو وضعیت افغانستانده ساغلیق ساحهسی اینیقسه آنهلر و بالهلر سلامتلیگی اوچون جدّی تاثیر کۉرسهتیشینی بیلدیردی.
بو شوندهی بیرحالده دیر که طالبان ایچکی و خلقارا تنقیدلرگه تن بېرمهی خاتین-قیزلرنی ایشلش و اۉقیشدن محروم قیلیب کېلماقده دیر.
