ایریم یېتکیرمهلر تامانیدن نشر اېتیلگن خبرلرگه کۉره، تورکیهنینگ استانبول شهریده طالبان و پاکستان وکیللری اۉرتهسیده نارسمی اوچرهشوو اۉتکزیلگن.
طالبان حاضرگچه بو مذاکره خصوصیده بیران-بیر تفصیلات بېرگن اېمس.
نشر اېتیلگن خبرلرنی ادعا قیلیشیچه، بو اوچرهشووده پاکستان طالبان تحریکی «تیتیپی» و داعش گروهی تهدیدی حقیده صحبت بۉلینگن.
شو بیلن بیرگه، افغانستانانترنشنل تلویزیون کانالی اۉز منبعلریگه تهینیب نشر قیلگن خبریده ادعا قیلیشیچه، مذاکرهده تامانلر آرهسیده بیر کېلیشوو هم امضالنگن.
حاضرگچه بو کېلیشوو قرارلری نیمهدن عبارت بۉلگنی و شونینگدېک مذاکره حقیده طالبان یاندهشووی بیللی اېمس.
اوشبو مذاکره شوندی بیرحالده اۉتکزیلماقده دیر که چیننینگ اورومچی شهریده هم ایکّی تامان وکیللری حضور تاپگن بیراق بو مذاکره نتیجهسی حقیده حاضرگچه هیچ قندهی بیر بیلگی یۉق.
