طالبلرنینگ مهاجرلر معمالرینی حل قیلیش کمیسیونینینگ معلوم قیلیشیچه، تیناوون (شنبه، ۱۲ثور) تۉرت مینگ۳۰۹نفر مهاجر پاکستاندن مجبورن چیقریلیب، افغانستانگه کیریتیلگن.
اوشبو کمیسیوننینگ قۉشیمچه قیلیشیچه، مذکور مهاجرلر تورخم، سپین بولدک و بهرامچه چېگره اۉتیش یۉللری آرقهلی افغانستانگه قَیتگن.
طالباننینگ مهاجرلر معمالرینی حل قیلیش کمیسیونی ینه شونی بیلدیرگنکی، شو کونی۳۰۸ نفر باشقه کیشیلر هم ایراندن چیقریلیب، افغانستانگه کیرگن.
کمیسیون معلوماتیگه کۉره، بو شخصلر هراتدهگی اسلام قلعه و نیمرۉزدهگی پول ابریشم چېگره اۉتیش بندرلری آرقهلی مملکتگه کیرگن.
کمیسیون بیاناتیده ایتیلیشیچه، اوشبو مهاجرلر مملکتگه کیرگچ رۉیخطدن اۉتکزیلگن، یاردم بیلن تأمینلنگن و اولرنینگ اَیریملری اۉز اصل یشش منطقهلریگه یوباریلگن.
پاکستاندن افغان مهاجرلرینی چیقریش طالبان بیلن باغلیق کېسکینلیکلر آرتیدن سېزیلرلی درجهده کوچهیگن بۉلیب، هر کونی مینگلب آدملر دېورت قیلینماقده.
شو بیلن بیرگه، ایراندن افغانستانلیک مهاجرلرنی چیقریش اوروش باشلنیشیدن آلدینگی دورگه نسبتاً انچه کمهیگنیگه قرهمهی، هنوز دوام اېتماقده.»
