پاکستان اخبارات وزیری عطاءالله تارر، اۉتگن کېچه بو مملکت هوا کوچلری تامانیدن افغانستاننینگ خوست، کنر و پکتیکا ولایتلریده، بیر قنچه هجوملر عملگه آشیریلگنینی تصدیقلهدی.
پاکستان بو رسمیسی شونینگدېک، اوشبو هجوملر عاقبتیده پاکستان طالبان تحریکی یا -ده تیتیپینینگ ۲۶ اعضاسی اۉلدیریلگنینی هم ادعا قیلدی.
بو شوندهی بیرحالده دیر که طالبان اوشبو هجوملرده عادی اهالی جان بېرگنینی ادعا قیلگن اېدی.
طالبان سۉزلاوچیسی ذبیحالله مجاهد، بوگون اېرتهلب نشر قیلگن بیاناتیده، بو هجوملر عاقبتیده ۱۱ باله، بیر عیال و بیر ایرکک جان بېرگنی و ینه ۱۴ کیشی یرهلنگنینی ادعا قیلدی.
ایتیش کېرهک که پاکستان اۉتگن کېچه، ینه بیربار افغانستانگه قرشی هوا هجوملرینی اویوشتیردی.
