بلخ ولایتی کلدار اولسواللیگیدن منبعلرنینگ اۉزبېک تیوی گه یوبارگن معلوماتیگه کۉره، اوشبو ولایتده بلخ اولسواللیگیدن بۉلگن طالباننینگ پشتون جنگچیلری تورکمنلردن زور بیلن پول ییغیب آلیشی، اهالی قرشیلیگی بیلن دوچ کېلگن.
منبعلرنینگ ایتیشیچه، طالبان کلدار اولسواللیگی بازاریگه کېرهیاتگن هر بیر ریکشا و موتردن ۱۵۰ افغانی آلهدی. بو اېسه اهالینینگ آغیر اقتصادی وضعیتی سبب اولرگه ظلم دیر.
اۉزبېک تیوی اختیاریگه قرار تاپگن ویدیوده، بوخصوصده طالبان جنگچیلری و تورکمنلر اۉرتهسیده جنجل هم تورگن و طالبان عسکری ویدیو آلهیاتگن اهالیگه زوروانلیک کۉرسهتگن.
اهالینینگ ایتیشیچه، ایلگری طالبان کلدارگه کېرهیاتگن هر بیر موتر و ریکشادن ۱۰۰ افغانی آلگن و حاضر اېسه ۱۵۰ افغانیگه کۉتریلگنینی ایتهدی.
اۉزبېک تیوی بیلن شریک قیلگن ویدیوده، طالبان عسکرلری هیچ قندهی بیر یوک آرتیلمهگن ریکشادن هم پول طلب قیلهیاتگنی معلوم قیلینهدی.
