ایران و امریکا اۉرتهسیدهگی اوروش جدّیلشگنیدن سونگ، امریکا قوشمه ایالتلری حربی کوچلرینینگ مرکزی قومندانلیگی یا ده «سنتکام» ایرانگه قرشی ۱۴۰ نشانگه هجوم اویوشتیریلگنیدن خبر بېردی.
دیمک بو هجوم، سونگّی بیر هفته ایچیده اوچینچی کېنگ کولملی هجوم دیر که امریکا تامانیدن ایرانگه قرشی اویوشتیریلگن.
دیمک بوندن آلدین، امریکا ایکّی باسقیچده ۱۷۰ نشانگه هجوم اویوشتیرگن اېدی.
ایران هم بو هجوملرگه جوابا، منطقه بیر قنچه مملکتلریگه قرشی هجوملرنی باشلهگن.
بوگون اېرتهلبدن حاضرگچه، بحرین، بیرلشگن عرب امیرلیکلری و قطر مملکتلریده، خوف قونغیراغی چلینیب، ایران راکت هجوملری خبر قیلینگن.
شونینگدېک، بو مملکتلرنینگ ایریم حدودلریده پارتلش تاووشلری اېشیتیلگنی هم خبر قیلینماقده دیر.
ایتیش کېرهک که ایران و امریکا، کېلیشووگه ضد اۉز هجوملرینی قیته باشلهگن.
