امریکا قوشمه ایالتلری خوفسیزلیک کوچلرینینگ مرکزی قومندانلیگی یا ده «سنتکام» بو کوچلرنینگ ایرانگه قرشی ینگی هجوملریدن خبر بېردی.
سنتکام تامانیدن نشر اېتیلگن بیاناتگه کۉره، دوشنبهدن سهشنبهگه اوتر کېچهسی، ایراننینگ بیر قنچه حدودلری حربی نشان آستیگه آلینگن.
امریکا حربی کوچلری مرکزی قومندانلیگی بیاناتیده، اوشبو هجوملر بېش ساعت دوام اېتیب یکونلنگنی هم قید اېتیلگن.
شو بیلن بیرگه، سنتکام بو هجوملرده، ایراننینگ حربی مرکزلری جملهدن قیرغاق مدافعه تیزیمی، درون و راکت سایتلری و دېنگیز کوچلری قابلیتلری نشانگه آلینگنینی معلوم قیلگن.
سنتکام اوشبو هجوملر بیلن، ایراننینگ هرمز بۉغازیده سودا کېمهلریگه قرشی هجوملرینی ضعیفلشتیریش مقصد قیلینگنینی هم بیلدیردی.
دیمک ایران و امریکانینگ اوروشی، یقین بیر هفتهدن بیری ینهده جدّیلشگن.
