امریکا قوشمه ایالتلرینینگ حربی کوچلری مرکزی قومندانلیگی یا ده «سنتکام» ایرانگه قرشی حربی عملیاتلرنینگ ینه بیر تۉلقینی یکونلنگنیدن خبر بېردی.
بوحقده نشر اېتیلگن بیاناتده، اوشبو عملیات هم هرمز بۉغازیده کېمهلر حرکتلنیشیگه نسبتن تهدیدلرنی یۉق اېتیش مقصدیده عملگه آشیریلگنی بیلدیرلگن.
شو بیلن بیرگه، امریکا حربیلری بو هجوملر ایراننینگ مهم حربی مرکزلرینی نشانگه توتگنی هم معلوم قیلگن.
بو شوندهی بیرحالده دیر که بېش کوندن بیری ایران و امریکا اۉرتهسیدهگی اوروش قیته جدّیلشگن.
اۉتگن کون ایران رسمیلری تۉرت کوندن بیری امریکا هجوملری نتیجهسیده ۳۰ کیشی تینچ اهالی و کمیده ۷ کیشی حربی جان بېرگنینی اعلام قیلگن اېدی
