طالبان باش وزیرینینگ اقتصادی اۉرینباسرلیگی بوگون شنبه، ۲۷ – سرطان، نشر قیلگن معلوماتیده، افغانستانده بیر میلیون کیشی قالین صناعتیده ایش بیلن بند اېکنیدن خبر بېردی.
اوشبو معلومات اساسیده، اۉتگن ییلی افغانستان ۱۴ میلیون دالر ارزشی بۉلگن ۷۶۰ مینگ متر مربعدن آرتیق قالیننی چېتاېل یوبارگن.
افغانستانده ایشلب چیقریلگن قالینلر اساسا روسیه، امریکا، استرالیا، کانادا، تورکیه و بیر قنچه عرب و افریقالیک مملکتلرگه یوباریلگن.
طالبان شونینگدېک، اعلام قیلیشیچه، سۉنگّی تۉرت ییل دوامیده قالین صناعتیده ایشلهیدیگنلر سانی کۉپهیگن.
بو شوندهی بیرحالده دیر که طالبان قیزلر یوزیگه مکتب و تعلیم اېشیکلرینی یاپیب قۉیگنی سبب، کۉپلب قیزلر قالین و قۉل صناعتیگه یوز کېلتیرگن.
ایتیش کېرهک که افغانستاننینگ اېنگ صفتلی و یخشی قالینلری اۉزبېک و تورکمن عیاللر آرقهلی ایشلب چیقریلهدی. دېیرلی اندخوی و آقچهده ایشلب چیقریلگن قالینلر خلقارا شهرتگه اېگه قۉل صناعتی اثری دیر.
