طالبلرنینگ سۉزلاوچیسی ذبیح الله مجاهد، اۉزینینگ ایکس صحیفهسیده ترقهتگن معلوماتیده، بو گروه رهبری قراری اساسیده بیر قنچه لوازملرده طالبان رسمیلری المشتیریلگن.
اوشبو قرار اساسیده، طالباننینگ تورکمن اعضالریدن بۉلمیش قاری محمداسماعیل راسخ، جوزجان ولایتی والیسی اولهراق تعیینلنگن.
راسخ، بوندن آلدین جوزجان ولایت خوفسیزلیک قومندانی اېدی.
شونینگدېک، طالباننینگ ۲۱۷ عمری قولاوردوسینینگ سابق اۉرینباسری ملا عبدالکریم نافذ، جوزجان خوفسیزلیک قومندان لوازمیگه تعیینلنگن.
طالبان رهبری، جوزجانده بو گروهنینگ سابق والیسی عبدالله سرحدینی عمری قولاوردوسینینگ اۉرینباسری اېتیب تعیینلهگن.
بوندن تشقری طالبان، بو گروهنینگ اخبارات و مدنیت وزیرلیگی مدنیت و صناعت اۉرین باسری، هرات ولایتینینگ اخبارات و مدنیت باشلیغی همده کندهار ولایت بیلیم یورتی باشلیغینی هم اۉزگرتیرگن.
بو شوندهی بیرحالده دیر که طالبان حاکمیتیده، بو گروهنینگ اۉزبېک و تورکمن اعضالری حکومت تقسیماتیدهگی حضورلری آزلیگی تنقیدلرگه سبب بۉلیب کېلگن.
