ننگرهار ولایتینینگ مرکزی جلال آباد شهریده اوی قولهب توشیشی عاقبتیده بیر عایلهنینگ بېش اعضاسی جان بېردی.
ننگرهار ولایتی طالبلر اخبارات و مدنیت ریاستی اطلاعات بۉلیمی باشلیغی صدیقالله قوریشينینگ ایتیشیچه، حادثه پنجشنبه کونی کېچقورون (۱اسد) جلالآباد شهرینینگ «افغان مېنه» منطقهسیده صادر بۉلگن.
اونینگ سۉزلریگه کۉره، کوچلی یامغیر و اوی نینگ اېسکیرگنی سببلی بنا قولهب توشگن. نتیجهده بیر عایله نینگ بېش اعضاسی، جملهدن آته و اونینگ اۉغیللری هلاک بۉلگن، ینه بیر کیشی جراحت آلگن.
کېچه یوز بېرگن کوچلی یامغیر و سېل بیر نېچه ولایتلرده آغیر تلفات و کتّه مادّي ضرر کېلتیریب چیقردی. حاضرگچه لغمان ولایتیده بیر کیشی هلاک بۉلگنی، آلتی کیشی اېسه جراحتلنگنی خبر قیلینگن.
