طالبان یوقاری مرتبهلی رسمیلری اشتراکیده اۉتکزیلگن بیر محفل آرقهلی، افغانستان پایتختی کابل شهریده، مخابرات و تکنالوژی کۉرگزمهسی آچیلدی.
بوحقده نشر اېتیلگن بیاناتده، اوشبو کۉرگزمه افغانستانده ایلک مراتبه اۉتکزیلهیاتگنی معلوم قیلینگن.
طالبان رسمیلری بو حقده نطق سۉزلر اېکن، مخابرات و تکنالوژی ساحهسی رونقی اوستیده تۉختهلیب اۉتدی.
شو بیلن بیرگه، طالبان رسمیلری بو ساحهده یاشلرنینگ استعدادلری رواجی حقیده هم تاکیدلگن.
طالبان بو کۉرگزمهنی شوندهی بیرحالده اۉتکزماقده دیر که اخیرگی وقتلرده، طالبان حاکمیتیدهگی افغانستان انترنت و مخابرات خذمتلرینینگ نرخی یوقاری کېتگنی و صفتی قۉیی بۉلگنی ایتیلماقده.
ایلگریدن هم افغانستانده جدّی معمالر بیلن دوچ بۉلگن بو ساحهدهگی معمالر آرتیشیدن کۉپلب شکایتلرگه سبب بۉلگن.
بوندن تشقری، طالبان چیکلاولری سببلی هم انترنت و مخابرات ساحهلری کۉپلب معمالرگه دوچ کېلگن و طالبان اوشبو چېکلاولر دوامیده، اۉتگن ییلی ۴۸ ساعت دوامیده افغانستانده انترنتنی کېسیب قۉیگن اېدی.
