«آزادلیک جبههسی» بدخشان ولایتی زیباک اولسواللیگیدهگی طالبلر موضعلریگه ضربه بېرگنینی معلوم قیلدی.
اوشبو جبهه بیاناتیده ایتیلیشیچه، طالبلر اعضالری «آزادلیک جبههسی» نینگ مدافعه استحکاملریگه هجوم قیلیشگه تیارگرلیک کۉرهیاتگن پیتده جبههنینگ هاوان ضربهسیگه اوچرهگن.
«آزادلیک جبههسی» انیق رقملرنی اعلان قیلمهگن حالده، طالبلرنینگ بیر نېچه هلاک بۉلگن و یرهلنگن اعضالری زیباکدهگی طبیات مرکزلری همده فیض آباد شهریدهگی شفاخانهگه آلیب کېتیلگنینی بیلدیرگن.
جبهه نینگ ایتیشیچه، اونینگ «کومندو بۉلینمهلری زیباکدهگی مدافعه استحکاملری و آزاد قیلینگن پوستهلریده فعال و منتظم روشده موجود».
«آزادلیک جبههسی» نینگ طالبلر موضعلریگه ینگی هجومی طالبلرنینگ بدخشان نینگ نسی اولسواللیگیده اۉزینینگ ناراضی قوماندانی جمعهخان فاتح طرفدارلری بیلن تۉقنهشهیاتگن بیر پیتده صادر بۉلگن.
اوشبو تۉقنهشوولر اۉتگن هفتهدن باشلنگن. تۉقنهشوولر بۉییچه ینگی تفصیلاتلر اعلان قیلینمهگن.
