ایران حربی کوچلرینینگ اعلام قیلیشیچه، بو مملکتنینگ اوچ پیلوتی یقین آلتی آیدن بیری قطرده قماقده سقلنیب کېلهیاتگن.
شو بیلن بیرگه، ایران رسمیلری قطردن بو پیلوتلرنی آزاد اېتیشینی طلب قیلگن. بیراق قطر رسمیلری ایران پیلوتلری بو مملکتده اېکنینی رد اېتگن.
ایران رسمیلری تامانیدن نشر اېتیلگن معلوماتده، اوشبو پیلوتلردن جواد صالحی، عبدالمجید دشتیان و عمران بهروشیان دېب آت توتیلگن.
ایران ادعاسیگه کۉره، اولر جاری ییل مارچ آییده اوچاقلری قولهگندن سۉنگ قطر حربیلری تامانیدن تیریک حالده توتقینگه آلینگن.
قطر اېسه بو واقعهده یالغیز بیر شخصنینگ جسدینی قۉلگه کېلتیرگنینی بیلدیریب، ایران پیلوتلری بو مملکتده قماقده اېکنینی رد قیلگن.
