افغانستان وطنداشلری ایران ویزهسینی آلیشده چېکلاولرگه دوچ کېلهیاتگن و بو ویزهلر قاره بازارده جوده یوقاری نرخلرده ساتیلهیاتگن بیر پیتده، ایران تشقی ایشلر وزیری عباس عراقچی افغانستان وطنداشلریگه ویزه بېریش بارهسیده هېچ قندهی تۉسیق یۉقلیگینی ایتدی.
ایراننینگ ایرنا خبرگزارلیگی خبریگه کۉره، عراقچی شنبه کونی (۲۴-اسد) ایران نینگ رضوی خراسان ولایتیده توریزم و هنرمندچیلیک ساحهسیدهگی گردشگرلر بیلن اۉتکزیلگن اختصاصلشتیریلگن ییغیلیشده شوندهی دېگن: «تشقی ایشلر وزیرلیگی افغانستان وطنداشلریگه ویزه بېریش بارهسیده هېچ قندهی تۉسیققه اېگه اېمس و حقیقي طلبگارلر، اینیقسه طبي توریزم اوچون ویزه آلیش جریانینی یېنگیللشتیریشگه تیار.»
عراقچی نینگ ایتیشیچه، طبي توریزم اوچون کېلماقچی بۉلگن طلبگارلر اوچون تېگیشلی تیزیم و انیق جریانلر ایشلب چیقیلیشی کېرهک، شونده طلبگه جواب بېرهدیگن شخصلر مملکتگه آسانراق کیریب کېلیشی ممکن.
افغانستان وطنداشلری ایرانگه نهفقط ایش ایزلب، بلکه دوالنیش اوچون هم باریشهدی.
ایلگری ایراندهگی دیپلوماتیک وکالتخانهلر افغانستان وطنداشلریگه سیاحلیک ویزهلرینی بېرگن، بیراق اۉتگن ییلدن بویان اساسن فقط ایش ویزهلری بېریلماقده. ایش ویزهسینی آلیش هم چېکلنگن و کۉپلب قیینچیلیکلرگه اېگه.
