«جبهه متحد افغانستان» بېشینچی ییلیده طالبان حاکمیتگه کېلگنی نینگ ییللیگی مناسبتی بیلن اونینگ کوچلری بلخ و فاریاب ولایتلریده اوشبو گروهنینگ ایکّی پوستهسیگه هجوم قیلگنی و نتیجهده تۉرت نفر طالب اۉلدیریلگنینی معلوم قیلدی.
مذکور جبهه علیحده بیاناتلر نشر قیلیب، هر ایکّی هجوم تیناوون (شنبه، ۲۴-اسد) عملگه آشیریلگنینی بیلدیردی.
«جبهه متحد افغانستان» نینگ ایتیشیچه، دستلبکی عملیات بلخ ولایتی نینگ دولتآباد اولسواللیگیگه قرهشلی منطقهده عملگه آشیریلگن. اونده طالبلرنینگ حربي پوستهسی نشانگه آلینگن و نتیجهده ایکّی طالب اۉلدیریلگن.
جبهه نینگ دعوا قیلیشیچه، اونینگ کوچلری طالبان پوستهسینی اېگهللب، او یېردهگی جهازلر و قورال-یراغلرنی قۉلگه کیریتگن.
«جبهه متحد افغانستان» ینه بیر هجوم فاریاب ولایتینینگ بندر اولسواللیگی «مغلی» حدودیده جایلشگن طالبان پوستهسیگه اویوشتیریلگنینی معلوم قیلدی.
جبهه بیاناتیگه کۉره، اوشبو عملیاتلرده طالبلر نینگ ایکّی اعضاسی اۉلدیریلگن و ینه تۉرت نفری یرهلنگن.
طالبلر حاضرچه بو بارهده هېچ قندهی ایضاح بېرمهگن.
