سوريه نینگ مؤقت حکومتی تشقی ایشلر وزیری اسعد حسن الشیبانی ایلک بار پاکستانگه تشریف بویوردی.
او بوگون (پنجشنبه، ۲۹-اسد) اسلام آبادده پاکستان باش وزیرینینگ اۉرینباسری و تشقی ایشلر وزیری اسحاقدار بیلن اوچرهشیب، مذاکره اۉتکزدی.
پاکستان تشقی ایشلر وزیرلیگی اوچرهشوونی «صمیمي وایجابی» دېب بهالب، تامانلر پاکستان و سوريه اۉرتهسیدهگی «قرداش و چوقور ایلدیز آتگن» مناسبتلرگه اورغو بېرگنی همده اۉزارا منفعتلی ساحهلرده ایکّی تامانلهمه همکارلیکنی کېنگهیتیریش یۉللرینی بحث قیلگنینی معلوم قیلدی.
تامانلر، شونینگدېک، منطقهدهگی سۉنگّی واقعهلر یوزهسیدن باتفصیل فکر المشگن.
مذکور تشریف قریب ییگیرمه ییل ایچیده سوريه تشقی ایشلر وزیری نینگ پاکستانگه ایلک سفری حسابلنهدی.
