«افغانستان ملي مقاومت جبههسی»گه یقین منبعلر تیناوون حسیب پنجشیری بیلن بیرگه اونینگ ینه ایکّی همراهی هم طالبلر تامانیدن اۉلدیریلگنینی و حاضرگچه اولرنینگ جسدلری عایلهلریگه تاپشیریلمهگنینی معلوم قیلدی.
ملي مقاومت جبههسیگه یقین منبع بوگون (جمعه،۳۰ اسد) معلوم قیلیشیچه، کېچه حسیب پنجشیری بیلن بیرگه رومل پنجشیری و عتیق پنجشیری اوشبو جبهه نینگ ینه ایکّی اعضاسی هم اۉلدیریلگنینی تصدیقلهدی.
منبع نینگ ایتیشیچه، رومل پنجشیری شتل اولسواللیگی، عتیق پنجشیری اېسه پنجشیر ولایتی مرکزیگه قرهشلی منجور قیشلاغیده یشهگن. منبعگه کۉره، رومل اوّلگی حکومت دوریده ملي خوفسیزلیک باشقرمهسیده افسر، عتیق اېسه اوردو افسری بۉلگن.
منبعنینگ قۉشیمچه قیلیشیچه، قوماندان حسیب پنجشیری و اونینگ ایکّی جنگچیسی طالبلر پیستیرمهسیده اۉلدیریلگن
ایتیلیشیچه، طالبلر اۉلدیریلگنلر و ملي مقاومت جبههسی اسیرلرینی پروان ولایتیدهگی طالبلر استخبارات باشقرمسیگه آلیب کېتگن.
ملي مقاومت جبههسی اوشبو واقعه تفصیلاتلرینی تېکشیروودن سۉنگ اعلان قیلیشینی بیلدیرگن.
طالبلر ایچیدهگی منبعلر حسیب پنجشیری و اونینگ آدملری شمالي سالنگ حدودیده نشانگه آلینگنینی ایتگن.
