بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسی (اوچا) آلمان افغانستان انسانپرورلیک جمغرمهسیگه ۶.۸ میلیون یورو مقداریده مبلغ اجرهتگنینی معلوم قیلدی.
اوشبو تشکیلات بوگون (دوشنبه، ۲-سنبله) ایکسدهگی صحیفهسیده پُست نشر قیلیب، آلمان حکومتیگه اوشبو یاردمی اوچون منّتدارلیک بیلدیرگن.
اوچانینگ معلوم قیلیشیچه، بو یاردم افغانستان بۉیلب بحراندن ضرر کۉرگن اهالیگه حیاتي مهم انسانی یاردملرنی یېتکزیشده دوام اېتیشگه کۉمکلشهدی.
بیرلشگن ملتلر تشکیلاتی معلوماتلریگه کۉره، جاري ییلده افغانستانده۲۱.۹میلیون کیشی انسانپرورلیک یاردمگه محتاج. تشکیلاتلر اېسه۱۷.۵میلیون کیشیگه یاردم کۉرسهتیشنی اوستوار وظیفه صفتیده بېلگیلهگن.
بیرلشگن ملتلر تشکیلاتی اوشبو اهالیگه یاردم کۉرسهتیش اوچون۱.۷میلیارد دالر مبلغ سۉرهگن، بیراق حاضرگچه اوشبو مبلغ نینگ اتیگی۲۷.۲۷فایزی تأمینلنگن.
