تخار ولایتیده طالبان کانلر و پترولیم باشلیغی علمخان مبارز، یوزلب مینگ دالر پاره آلگنلیکده عیبلنیب، حبسگه آلینگن.
بوحقده معلومات ترقهتگن ایکّی منبع، طالباننینگ بو محلی رسمیسی آلگن پاره مبلغی حقیده ایکّی خیل رقم بېرماقده.
منبعلردن بیری مبارز ۴۰۰ مینگ دالر پاره آلگنینی ایتهدی و ینه بیری اېسه طالبان بو رسمیسی کانلر معاملهسیدن ۲۰۰ مینگ دالر پاره آلگنینی دعوا قیلماقده.
ایتیلیشیچه، طالبلرنینگ بو محلی رسمیسی نیچه کون آلدین خودّی شو عیبلاو بیلن کابلده حبسگه آلینیب حاضر قماقده سقلنیب کېلماقده دیر.
ایتیش کېرهک که طالبلر، افغانستان کانلریدن کېلگن درآمدلرنی باشقیریش اوچون هم ایچکی کېلیشماوچیلیکلرگه دوچ دیر.
