سمنگان ولایتیده جمشید پهلوان ناملی شخص، ۱۵۰۰ متر مربع شخصی یېرینی مکتب قوریلیشیگه تاپشیرگن.
طالبان معارف وزیرلیگی، بوگون یکشنبه، ۱۵ – سنبله، بیر بیانات ترقهتیب بو شخص تامانیدن تاپشیریلگن یېر سمنگان ولایتی «گل قیشلاق» حدودی مکتبی قوریلیشی اوچون نظرده توتیلیشینی معلوم قیلینگن.
بوندن آلدین هم سمنگانلیک ایریم اهالی، مذکور شخص اۉز ملکینی مکتب قوریلیشیگه تاپشیریشگه قرار قیلگنیدن خبر بېرگن اېدی.
بو شوندی بیرحالده دیر که افغانستان معارف ساحهسیده کۉپلب بودجهلر اجرهتیلگنیگه قرهمی هلی هم کۉپلب حدودلرده مکتبلر بناسی یۉقلیگی سبب، بالهلر آچیق هواده درس اۉقیماقده.
افغانستان تورلی حدودلریده موجود مکتب بنالرینینگ بیر قنچهسی هم طالبان و سابق حکومت اۉرتهسیدهگی اوروشلرده ویران بۉلگن.
شو بیلن بیرگه بوندن آلدین، تورلی حدودلر اهالیسی قیشلاقلریده مکتب یۉقلیگی و بار جایلرده هم ستندرد بنالرگه اېگه اېمسلیگیدن شکایت قیلگن.
بو شکایتلردن کۉپینچهسی، اۉزبېک تیوی نینگ «اېلآوازی» دستوریده اهالی تامانیدن بیلدیریلگن.
