امریکا اوردوسینینگ مرکزي قوماندانلیگی سنتکام جَنوبي ایران بندرلرینی دېنگیز آرقهلی قمل قیلیشنینگ ایکّینچی باسقیچیده ۹۴ته کېمه یۉنهلیشینی اۉزگرتیرگنینی معلوم قیلدی.
سنتکام بوگون (سهشنبه، ۱۷-سنبله) ایکسدهگی خبریده شو دورده ینه ایکّی کېمه قۉلگه آلینگنی و قملگه تۉلیق رعایه اېتیلیشینی تأمینلش مقصدیده اوچته کېمه فعالیتدن چیقریلگنینی بیلدیرگن.
جَنوبي ایران بندرلرینی دېنگیز آرقهلی قمل قیلیشنینگ ینگی باسقیچی ۵۶ کوندن بېری دوام اېتماقده.
قمل نینگ بیرینچی باسقیچی ایران تامانیدن هرمز بۉغازی یاپیلیشی بیلن بیر وقتده، ۲۴- حملده باشلنگن و قریب ایکّی آی دوام اېتیب، کېسکینلیکنینگ پسهییشی آرتیدن ۲۸-جوزاده بېکار قیلینگن.
بیراق ۲۶ کون اۉتیب، تهران و واشنگتن بیر-بیرینی «اسلام آباد انگلشوو شرطنامه»نی بوزگنلیکده عیبلهگنیدن سۉنگ، ۲۴-سرطان کونی اقش اوردوسی ایرانگه قرشی ینه دېنگیز قملینی اعلان قیلگن.
شو دور مابینیده هر قندهی تجارت کېمهلرینینگ، اینیقسه ایرانگه تېگیشلی یاکه اوشبو مملکت نینگ نفت و گاز خریدارلریگه قرهشلی تانکرلرنینگ ایران جَنوبي بندرلریگه کیریشی و چیقیشی نینگ آلدی آلینگن.
