روسیه باش‌وزیر اۉرین‌باسری الکسی اورچوک، طالبان تشقی ایشلر وزیری امیرخان متقی بیلن اۉچره‌شگن. اوشبو اۉچره‌شووده مسکو ترانزیت، ترانسپورت، انرژی و باشقه بولیملرده علاقه‌لر کینگه‌یشی‌گه اۉرغوله‌ب و افغانستان بیلن اقتصادی همکارلیکلر کوچه‌یشی اوچون تیارگرلیک بېلدیرگن.
طالبان تشقی ایشلر وزیرلیگی بوگون (۱۴-میزان، سه‌شنبه)، بیر بیانات ترقه‌تیب یازیشیچه، اوشبو اۉچره‌شوو روسیه پایتختی مسکوده بۉلیب اۉتگن. مذکور وزیرلیک‌نینگ ایتیشیچه، ایکّی تامان افغانستان و روسیه اۉرته‌سیده اقتصادی، سودا، ترانزیت و انرژی بویېچه همکارلیکلر کوپه‌یشی حقیده صحبت قیلگن.
متقی، بو اۉچره‌شووده شونینگدېک تجارت و ترانزیت رواجلنیشی، منطقه‌ای باغله‌نیش کوچه‌یشی، افغانستان ده روسیه سرمایه یاتقیزیشی همده انرژی و کانلر بولیمی‌ده قۉشمه همکارلیکلرگه تاکید قیلگن. شونینگدېک او، بانک خذمتلری ساحه‌سیده قولی‌لیکلر یره‌تیلیشی‌نی سۉره‌گن.
بیانات اساسیده، روسیه باش‌وزیری اۉرین‌باسری، ایکّی مملکت آره‌سیده عملی همکارلیکلر باشله‌نیشی اوچون مناسب شرایط یره‌تیلگنی‌نی بیان قیلیب و ایتیشیچه، روسیه طالبان بیلن اقتصادی همکارلیکلرنی کوچه‌یتیریش‌گه تیار دیر.
