اۉزبېکستان ایلچیسی علی‌شیر تختایف و پاکستان‌نینگ «معروف انترنشنل هاسپیتال» باشلیغی ناصر احمد، اسلام‌آباد ده طبیات ساحه‌سیده همکارلیک‌نی رواجلنتیریش مسئله‌سی توغریسیده اۉچره‌شگن. اوشبو اۉچره‌شووده ساغلیق‌نی سقلش، طبی تعلیم و طبی سیاحتچی‌لیک حقیده گپله‌شیلگن.
تامانلر اۉزبېکستان ده معروف انترنشنل هاسپیتال همکارلیگی بیلن زمانه‌وی طبی کوریک مرکزی یا-ده مخصوص طبی کلینیک آچیش مسئله‌سینی محاکمه قیلگن. پاکستان تامانی اۉزبېکستان ده طبیات ساحه‌سیده سرمایه کېریتیش لایحه‌لرینی عمل‌گه آشیریش‌گه قیزیقیش بېلدیرگن.
شونینگدېک اۉزبېکستان ده‌گی طبیات اوقوو جایلری بیلن همکارلیکده ۳-۶ آی‌لیک قیسقه اوقوو دستورلرینی تشکیل ایتیش تکلیف قیلیندی. بو دستورلرده همشیره‌لر، لابراتوار خادملری و شاشلینچ طبی یاردم خادملرینی اوقیتیش همده اولرنینگ بیلیملری سطحی‌نی آشیریش ریجه‌لشتیریلگن.
اۉچره‌شووده بخارا ولایتی‌ده جنوبی کوریا تکنولوژی‌سی اساسیده ایشلب چیقریله‌یاتگن یوره‌ک تامیرلریگه قویېله‌دیگن جهازلرنی پاکستان بازاریگه آلیب کېریش مسئله‌سی هم بحث بۉلگن.
شونینگدېک تامانلر کسللر المشتیریلیشی و ایکّی دولت یشاوچیلری‌گه طبی خذمت کورسه‌تیش امکانیتلرینی کینگه‌یتیریش مسئله‌نی هم کۉزدن کیچیرگنلر.
