روسیه چهارشنبه کونی اوکراین‌گه راکته و پهپادلر بیلن هجوم قیلدی. اوکراین جمهور باشلیغی ولادیمیر زلنسکی اوشبو هجوملرنی روسیه‌نینگ «اینگ شفقت‌سیز هجوملریدن بیری» دېب اته‌دی.
اوکراین ایچکی ایشلر وزیری ایوان ویهیفسکی‌نینگ اعلام قیلیشیچه، اۉیوشتیریلگن مذکور هجوملرده اوشبو مملکت بوېلب کمیده ۲۸ کیشی جمله‌دن باله‌لر جان بېریب، صناعتی قوریلمه‌لر و انرژی آست‌قوریلمه‌لری زیان کۉرگن.
زلنسکی، روسیه آرقه‌لی اۉیوشتیریلگن هجوملرده اوکراین بوېلب کمیده ۱۰۰ کیشی یره‌لنگنی‌نی بیان قیلگن.
اونینگ ایتیشیچه، اوشبو هجوملر روسیه جمهور باشلیغی ولادیمیر پوتین‌نینگ توغیلگن کونی بیلن بیرگه عمل‌گه آشیریلگن. «باله‌لر و اهالی‌نی اۉلدیریش پوتین‌نینگ اۉزیگه بېرگن توغیلگن کونی هدیه‌سی دیر.»
اوکراین جمهور باشلیغی‌نینگ کوپه‌یتیریشیچه، کینگ کولملی اوشبو هجوملر جریانیده بو مملکت پایتختی کی‌یف همده الکساندریا و کرمنچوک شهرلریده تینچ‌اهالی اۉلگن.
اونگه کۉره، روسیه کیچه تامان هجوملریده اوکراین‌گه قرشی توپلم ۷۰ ته راکته و اونلب «شاهد» هجومچی پهپادلرنی آتگن.
روسیه و اوکراین اۉرته‌سیده توقنه‌شوولر باشلنگنی‌دن تورت یریم ییل‌دن کوپراق وقت اوتیب و بو مدت‌ده اوشبو اوروش توخته‌تیلیشی اوچون بۉلگن سعی‌وحرکتلر حاضرگچه نتیجه بیرمه‌گن.
