بوکون : چهارشنبه 27 عقرب 1405

Kabul
+10...+17° C

بوکون : چهارشنبه 27 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

تاجیکستان اېلچیسی مملکتی‌نینگ افغانستان بیلن قۉشمه بازار آچیلیشی‌گه قیزیقیش بیلدیرگنینی معلوم قیلدی

تاجیکستان اېلچیسی طالبان‌نینگ سودا و سرمایه کېریتیش اتاقی عمومی باشلیغی بیلن اوچره‌شگنیده، ایکّی مملکت چېگره‌سیده قۉشمه بازار آچیلیشی‌گه مملکتی‌نینگ قیزیقیش بیلدیرگنینی معلوم قیلگن.

طالبان نظارتی آستیده‌گی سودا و سرمایه کېریتیش اتاقی عمومی باشلیغی سیدکریم هاشمی کابل‌ده تاجیکستان اېلچیسی سعدی شریفی بیلن، اوچره‌شگن.

اوشبو اوچره‌شووده سودا و اقتصادی علاقه‌لر کۉچه‌یشی، ایکّی تامانلمه همکارلیکلر آشیشی و ایکّی مملکت سوداگرلری‌ اوچون ینگی امکانیتلر یره‌تیلیشی تۉغریسیده صحبت بۉلگن.

هاشمی، سودا و سرمایه کېریتیش اتاقی تۉغریسیده معلومات بیریب و بو نهاد‌نی، مستقل، طرف‌سیز و سیاسی بۉلمه‌گن دېب و اۉرغولشیچه، اونینگ اصلی مقصدی افغانستان اقتصادی وضعیتی یخشی‌لنیشی، خصوصی سکتور قۉللب-قوتلنیشی و قۉشنی، منطقه و دنیا مملکتلری بیلن سودا علاقه‌لرینی کۉچه‌یتیریش دیر.

شونینگدېک سعدی شریفی، مملکتی طالبان بیلن تاجیکستان آره‌سیده‌گی اقتصادی و سودا علاقه‌لرینی آلدین‌دن کۉپراق کۉچه‌یشی و ایکّی مملکت سرمایه کېریتووچیلری آره‌سیده قۉشمه فعالیتلر شرایطی یره‌تیلیشی‌گه قیزیقیشینی بیلدیرگن.

تاجیکستان اېلچیسی، سۉزلری دوامیده مملکتی‌نینگ افغانستان و تاجیکستان قۉشمه چیگره‌سیده‌ قۉشمه بیر بازار آچیلیشی اوچون دستوری بارلیگی‌دن خبر بېریب و کۉپه‌یتیریشیچه، بو ریجه‌دن مقصد ایکّی مملکت سوداگرلری و یشاوچیلری اۉرته‌سیده اقتصادی آلیش-بیریش شرایطی یره‌تیلیشی دیر.

او، شونینگدېک تاجیکستان‌ سودا اتاقی‌نینگ طالبان سودا و سرمایه کېریتیش اتاقی بیلن اوچره‌شوولر، منظم باریب-کېلیشلر و سودا همکارلیکلرنینگ کۉچه‌یتیریلیشی اوچون قیزیقیشینی بیان قیلگن.

مذکور اوچره‌شوولر یکونیده، ایکّی تامان ایکّی تامانلمه همکارلیکلر و علاقه‌لر مستحکم‌لنیشیگه تاکیدلش‌گه علاوه بیر-بیرلریگه ساوغه‌لر هم بېرگنلر.

شریک قیلینگ

Related Posts

Add New Playlist