افغانستان، بیرلشگن ملتلر تشکیلاتیگه قوشیلیش مکتوبینی امضالب، تقدیم اېتگنیدن ۸۰ ییل اۉتدی.
دېیرلی، بوگون پنجشنبه ۱۹نچی نوامبر، اوشبو سنه نینگ ۸۰-نچی ییللیگی دیر که بو سنهده افغانستان بیرلشگن ملتلر تشکیلاتی نینگ اعضاسیگه اَیلنگن.
اوشبو سنه حاضر شوندهی بیرحالده یېتیب کېلماقده دیر که افغانستاننینگ بو تشکیلاتدهگی اعضالیگی ناانیق بیر حالتده قالگن.
طالبان حاکمیتیده بۉلگن افغانستان، بیرلشگن ملتلر تشکیلاتی نینگ کۉپینچه ییغینلری اینیقسه بو تشکیلات باش مجمعسی نینگ ییغینیدن غایب بۉلیب کېلماقده.
شونینگدېک، حاضرده افغانستانده بیرلشگن ملتلر تشکیلاتی تامانیدن رسمیتگه تَن آلینگن بیر حکومت یۉقلیگی هم بو مملکتده ناانیق و تقدیرسیز بیر سیاسی وضعیتنی اۉرتهگه کېلتیرگن.
طالبان اۉتگن بېش ییل دوامیده، بیرلشگن ملتلر تشکیلاتیدهگی افغانستان نمایندهلیگی بو گروه اختیاریگه اۉتکزیلیشینی طلب قیلیب کېلماقده بیراق بو طلب بیرلشگن ملتلر تشکیلاتی تامانیدن انابتگه آلینگن اېمس.



