بیرلشگن ملتلر تشکیلاتی عمومی کینگشی فلسطین استقلالی حقیده گی قرار لایحهسینی ۱۶۲ آواز بیلن تصدیقلهدی.
بیرلشگن ملتلر تشکیلاتی عمومی کینگشی، فلسطین خلقینینگ اۉز تقدیرینی اۉزی بېلگیلش و استقلال حقینی تاکیدلهیدیگن قرار لایحهسینی ۱۶۲ ایشانچ و ۸ قرشی آواز بیلن تصدیقلهگن.
بو لایحه بیرلشگن ملتلر تشکیلاتی عمومی کینگشینینگ انسان حقوقلری و انسانپرورلیک مسالهلری بیلن شغللنهدیگن اوچینچی کمیتهسی تامانیدن تقدیم اېتیلگن اېدی.
اوشبو آواز بېریش جریانیده ۱۶۲ مملکت قرار لایحهسینی قۉللب-قوتلب، ۸ مملکت اونگه قرشی آواز بېردی و باشقه ۸ مملکت اېسه بیطرف قالدی.
موافق مملکتلر اۉرتهسیده تورکیه، اروپا اتفاقی برچه اعضا مملکتلری، کانادا، آسترالیا همده جنوبی امریکا، آسیا و افریقانینگ کۉپچیلیک مملکتلری بار اېدی. بونگه قرشی اولهراق، قۉشمه ایالتلر، اسرائیل، ارجنتاین، پاراگوای، میکرونیزیا، نائورو، پاپواگینه نو و پالائو اوشبو لایحهگه قرشی آواز بېردیلر.
مذکور قرارده فلسطین خلقینینگ اۉز یورتیده اېرکین یشش و اسرائیل اشغالیدن اوزاق حالده استقلالگه اېگه بۉلیش حقی اجرهلمس اېکنلیگی تاکیدلنهدی.
شونینگدېک، بو قرارده اوشبو حق هیچ قندهی شرطسیز، کۉز یومیب بۉلمهیدیگن، مذاکره قیلینمهیدیگن و کیلیشیب بۉلمهیدیگن حق اېکنی هم قید اېتیلگن.



