بوکون : شنبه 30 عقرب 1405

Kabul
+10...+17° C

بوکون : شنبه 30 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

پروده ۶.۸ درجه کوچیگه زلزله؛ لیما یشاوچیلری کوچه‌لرگه چیقدی

آلمان یېر بېلیملرینی تیکشیروو مرکزی، جمعه کونی پرو نینگ مرکزی قسمیده ۶.۸ درجه ریشتر کوچیگه اېگه بۉلگن زلزله یوز بېریب و پرو پایتختی لیمانینگ بیر قطار یشاوچیلرینی کوچه‌لرگه چیقیشگه مجبور قیلگنینی بیان قیلدی؛ شونگه قره‌مسدن، حاضرگچه جانی تلفات یاکه کېنگ کۉلملی زیانلر تۉغریسیده هیچ قنده‌ی گزارش نشر قیلینمه‌گن.

پرونینگ ژئوفیزیک انستیتوتی‌نینگ ایتیشیچه، لیما شهریده هم سېزیلگن اوشبو زلزله خونین ولایتی‌نینگ آند منطقه‌سیده و یېرنینگ ۱۲۹ کیلومتر چوقورلیگیده یوز بېرگن.

لیما یشاوچیلری اۉز اویلرینی بۉشه‌تیب و تلویزیونی تصویرلر، پارلمان اعضالری هم کانگرس بناسی‌دن چیقیب کېته‌یاتگنینی کۉرسته‌دی.

لیمانینگ شرقیده، تخمیناً ۳۲۰ کیلومتر اوزاقلیکده جایلشگن خونین ولایتی محلی کینگشی اعضاسی ویسنته کیسپه‌نینگ محلی «آر‌پی‌پی» ترماغیگه ایتیشیچه، رسمیلر حاضرگچه بو کوچلی زلزله نتیجه‌سیده یېتگن زیانلر حقیده هیچ قنده‌ی گزارش آلمه‌گن.

او شوندی دېدی: «حاضرگچه هیچ قنده‌ی زیان گزارش قیلینمه‌گن. بو منطقه‌ده شوندی کوچ‌گه اېگه بۉلگن زلزله بیرینچی مرته سېزیلماقده.»

خونین ولایتیده بیر نیچته اورته‌چه کانلر فعالیت آلیب بارماقده. شونینگدېک، چین/ختای‌نینگ «چینالکو» شرکتیگه تېگیشلی بۉلگن و پرو نینگ اېنگ ییریک مس کانلریدن بیری حساب‌لنگن توروموچو کانی هم اوشبو منطقه‌ده جایلشگن.

پرو دنیاده مس‌نینگ اوچینچی ییریک ایشلب چیقرووچیسی بۉلیب، کانچیلیک بخش‌لری اوشبو مملکت اقتصادی‌نینگ اساسی حرکت‌لنتیرووچی کوچلریدن بیری حساب‌لنه‌دی.

شریک قیلینگ

Related Posts

Add New Playlist