بوکون : شنبه 30 عقرب 1405

Kabul
+10...+17° C

بوکون : شنبه 30 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

روسیه‌نینگ اوکراین‌گه کېنگ کۉلملی هجوملری؛ سکیز کیشی اۉلدی

روسیه جمعه کونی اوکراین‌گه قرشی اوروش باشلنگنیدن بېری اېنگ ییریک راکته و درون هجوملرینی اۉیوشتیردی. مذکور هجوملر نتیجه‌سیده برق قوریلمه‌لری و ترانسپورت آست‌قورمه‌لری نشانگه آلینیب، کمېده سکیز کیشی اۉلگن.

رویترز آژانسی نینگ خبریگه کۉره، بو هجوملر روسیه جمهور باشلیغی ولادیمیر پوتین‌نینگ اوکراین‌ آرقه‌لی کریمه کۉپریگی قرشی اۉیوشتیریلگن هجوملرگه جواب اوله‌راق انتقام آلیش سۉزینی بیرگنیدن سۉنگ یوز بېرگن.

اوکراین جمهور باشلیغی ولودیمیر زلنسکی‌نینگ ایتیشیچه، روسیه بو مملکت‌نینگ تورلی منطقه‌لریگه ۴۰۰ دن آرتیق درون و ۱۱۰ راکته، جمله‌دن ۲۷ بالستیک راکته آتگن. اونینگ سۉزلریگه کۉره، مذکور هجوملرده انرژی قوریلمه‌لری، لوژستیکی آست‌قورمه‌لر و تېمیر یۉللر نشانگه آلینگن. کی‌یفده هم دنیپر دېنگیزی اوستیده‌گی اوچ کۉپریک نشانه‌گه آلینیب، یشاوچیلر هجوملردن امان قلیش اوچون مېترو بېکتلریگه یاشینگنلر.

اوکراین رسمیلری کی‌یفده آلتی کیشی و بو مملکت غربیده‌گی لویو شهریده ینه‌ ایکّی کیشی جان بېرگنینی معلوم قیلدی. اوکراین هوا کۉچلری هم روسیه‌نینگ ۳۸۰ درون، ۷۹ کروز راکته‌سی و اوچ بالستیک راکته‌سینی اوریب توشیرگن.

پوتین پنج‌شنبه کونی اوکراین‌نینگ بیر هفته اېچیده کریمه کۉپریگیگه اوچینچی هجومیدن سۉنگ، مسکو قتتیق جواب بېریشی بیلن تهدیدله‌گن اېدی. اوکراین‌نینگ ایتیشیچه، بو کۉپریککه هجوملر روسیه‌نینگ بو مملکت آست‌قورمه‌لریگه قرشی هجوملریگه جواب اوله‌راق عمل گه آشیریلگن.

شریک قیلینگ

Related Posts

Add New Playlist