بوکون : شنبه 30 عقرب 1405

Kabul
+10...+17° C

بوکون : شنبه 30 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

عراق‌ده یانغین؛ کمیده تۉرت کیشی اۉلیب و ۳۰ کیشی یره‌لندی

عراق خوفسیزلیک رسمیلری، بو مملکت جنوبیده‌گی بصره شهری شمالیده جایلشگن، «حارثه» برق استیشنیده یوز بېرگن یانغین نتیجه‌سیده، کمیده تۉرت کیشی اۉلگنی و ینه‌ ۳۰ کیشی یره‌لنگنینی، معلوم قیلدی. مذکور رسمیلرنینگ ایتیشیچه، قربانلر سانی آرتیشی احتمالی بار.

عراق دولت خبر آژانسی نینگ خبریگه کۉره، اۉت اۉچیرووچیلر واقعه جاییگه یېتیب بارگنیدن سۉنگ، مدنی مدافعه کوچلری یانغیننی اوچیریشیگه اېریشگن. بو یانغین یان اویلرگه هم ترقه‌لیب، برق استیشنی فعالیتینی تۉخته‌تگن.

خوفسیزلیک رسمیلری، حارثه برق استیشنی نینگ ۸۰۰ مېگاوات برق ایشلب چیقریش قوّتیگه اېگه اېکنی، لېکن یانغیندن آلدین تخمیناً ۴۰۰ مېگاوات برق ایشلب چیقرگنینی ایتگن. حاضرگچه یانغین سببی و یېتگن زیانلر سانی تۉغریسیده رسمی معلومات نشر قیلینمه‌گن.

عراق برق آست‌قورمه‌لری ییللردن بېری سرمایه یېتیشمسلیگی، یېترلی درجه‌ده سقلنمه‌گنی و یوقاری طلب‌نی تامینله‌آلمسلیگی سبب قیینچیلیکلر بیلن روپه‌ره بۉلیب کېلماقده. بو مملکت برق قوریلمه‌لریده‌گی یانغینلر و تخنیکی نقصانلر، بوندن آلدین هم برق یېتکزیب بېریشده قیینچیلیکلر و کېنگ کۉلملی برق اۉچیشلریگه سبب بۉلگن.

شریک قیلینگ

Related Posts

Add New Playlist