بوکون : شنبه 30 عقرب 1405

Kabul
+10...+17° C

بوکون : شنبه 30 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

اېرکینلیک اوچون عیاللر ترماغی: عیاللرگه قرشی کمسیتیش‌لر تېزلیک بیلن تۉخته‌تیلسین

اېرکینلیک اوچون عیاللر ترماغی، عیاللر برابریده زۉره‌وانلیککه قرشی کۉره‌ش بۉییچه ۱۶ کونلیک خلق‌ارا کمپاین یېتیب کېلیشی بیلن ایتیشیچه، طالبان‌ قیته قدرتگه اېریشگنیدن سونگ اۉز سیاستلری و بۉیروغلری آرقه‌لی، قیزلرنی تعلیم‌دن محروم قیلگن.

اوشبو حرکت بوگون (شنبه، ۳۰ عقرب) ترقه‌تگن بیاناتیده، قیزلرنینگ تعلیم‌دن محروم اېتیلیشی، عیاللرنینگ اېش بازاری و اجتماعی حیاتگه کېریش حقی‌نینگ چیکلنیشی، باریب-کېلیش اېرکینلیگی برابریده‌گی چیکلاو، اعتراضچی عیاللرنینگ حبسگه آلینیشی و قییناققه سالینیشی همده عدالت‌خواه‌لیک آوازی‌نینگ باستیریلیشی، افغانستان عیاللری حیاتی‌نینگ اچّیق حقیقتیدن فقط بیر قسمی اېکنینی ایتگن.

بیانات‌ده، مجبوری و یاشگه یېتمه‌گن قیزلرنینگ تورموشگه چیقیشی، اوی-ایچیده‌گی زوره‌وانلیک، ناموسی اۉلدیریشلر، جنسی اذیتلر، تنلش حقینی افاده اېتیشدن محروملیک و اقتصادی قره‌ملیک، ینه‌ده عیاللرنینگ یشش حقینی تهدید قیلیب کېله‌یاتگنی قید اېتیلگن.

اېرکینلیک اوچون عیاللر ترماغی، افغانستان خاتین-قیزلریگه قرشی برچه کمسیتیش سیاستلری و چیکلاولرنینگ تېزلیککه تۉخته‌تیلیشینی سۉره‌ب، قیزلرنینگ تعلیم حقی تامین‌لنیشی کېره‌ک‌لیگینی قۉشیمچه قیلگن.

شونینگدېک اوشبو ترماق عیاللرنینگ اېش حقی، باریب-کېلیش اېرکینلیگی، اقتصادی۲ مستقللیگی و اجتماعی اشتراکی تامین‌لنیشینی سۉره‌گن.

اېرکینلیک اوچون عیاللر ترماغی مجبوری تورموش، اوی-ایچیده‌گی زۉره‌وانلیک و ناموسی اۉلدیریشلرنینگ تیزلیکه یکونلنیشی و جنسیتگه اساسلنگن زۉره‌وانلیک‌نینگ برچه شکللریگه تېزلیک بیلن چیک قۉییلیشی ضرورلیگینی ایتگن.

بیانات‌ده بیرلشگن ملتلر تشکیلاتی، دولتلر و انسان حقوقلری نهادلریدن افغانستان عیاللری حقوقلرینی سیاسی کېلیشوولردن تشقری تعقیب اېتیشلری و باستیریشلرنی تۉخته‌تیش، جنایتلرنی حجت‌لشتیریش همده انسان حقوقلری‌نینگ بۉزووچی عامللرنی جوابگرلیککه تارتیش اوچون تاثیرلی حرکتلر عمل گه آشیریشلری ایسته‌لگن.

شریک قیلینگ

Related Posts

Add New Playlist