بدخشان ولایتی ارگو اولسواللیگیدن منبعلرنینگ خبر قیلیشیچه، بیر موتر اغدیریلیشی عاقبتیده ایکّی ییگیت آغیر یرهلنگن.
اوشبو واقعه ارگونینگ «سرای دره» حدودیده یوز بېریب، واقعه عاقبتیده بو اولسواللیکنینگ ایکّی یشاوچیسی یرهلنگن.
واقعهدن ترقهلگن صورتلرده، موتر یۉل بوزوقلیگی سبب بیر درهده چوکیب کېتگنی کۉرینهدی.
بدخشانلیک یاش فعاللردن عبدالهادی اویغاغ، اۉز فیسبوک صحیفهسیده بو واقعه تۉغریسیده یازیب، طالبان مسووللریدن یۉل حالتیگه اعتبار قرهتیشینی سۉرهگن.
بو شوندی بیرحالده دیر که بوندن آلدین هم بدخشان ولایتی اینیقسه ارگو اولسواللیگیده یۉل بوزوقلیگی سبب، یۉل حادثهلری یوز بېریب، اهالیدن قربانلیک آلگن اېدی.



