افغانستان ایشلری بۉییچه ایران جمهوررییسی خاص نماینده‌سی اۉرین‌باسری‌نینگ ایتیشیچه، کرمان‌ده‌گی سۉنگی پارتلش قربانلری آره‌سیده 11 افغانستانلیک هم شامل دیر.
عین حالده، فارس خبرگزارلیگی افغانستانلیک قربانلر سانی‌نی 8 کیشی و ایرنا خبرگزارلیگی اېسه 12 کیشی اعلام قیلگن.
چهارشنبه 13- جدی، ایران‌نینگ کرمان شهریده قدس کوچلری قومندانی قاسم سلیمانی اۉلیمی‌نینگ تۉرت ییللیگی‌گه بغیشلنگن مراسم اۉتکزیله‌یاتگن قبرستان یقینیده، ایکّی پارتلش صادر اېتیلدی.
ایران ساغلیق نی سقلش وزیرلیگی‌نینگ معلوماتی اساسیده، مذکور پارتلشلر عاقبتیده 95 کیشی هلاک و 200 دن آرتیق کیشی اېسه یره‌لنگن.
ایران رسمیلری و ایسنا خبرگزارلیگی‌دن نقل قیلینیشیچه، جان بېرگنلر آره‌سیده 11 افغانستانلیک هم شامل دیر. ایران رسمیلری‌گه کۉره، مذکور کیشیلر زیارت اوچون کرمان شهیدلر قبرستانی تامان کېتماقده اېکنلر.
اوشبو حادثه مسوولیتی‌نی، داعش گروهی بۉینیگه آلدی.
سۉنگی نیچه ییلده، بو ایران‌ده یوزبېرگن اېنگ قانلی هجوم دېیلگن.
