اجتماعی ترماق‌لرده ایریم کیشی‌لر اۉزبېک تیلی کتاب‌لرینی اۉقیتیلیشی افغانستان شمال‌شرقیده‌گی تخار ولایتیده تۉخته‌تیلگنیدن خبر بېرماقده.
افغانستان اۉزبېک‌لرینی تانیقلی یازووچی و ژورنالیستی بۉلمیش محمدعالم کوهکن اۉزینی فیسبوک صحیفه‌سیده بو توغریده بونده‌ی یازگن: “جیم تورمنگلر اۉزبېکلر! اۉزبېک تیلی و ادبیاتی کتابینی اۉقیتیش تخارده منع اېتیلگن!”
شونگه اوخشش باشقه بیرقنچه فعاللر هم بو خصوصده فکر بیلدیریب، تخار ولایتیده اۉزبېک تیلی اۉقیتیلیشی قرشی‌سیده طالبان تامانیدن چیکلاولر یره‌تیلگنیدن خبر بېرگنلر.
دیمک، بوندن ایلگری هم خودی شوندی مساله، افغانستان‌ده معلم تربیه‌لش موسسه‌لریدن ترقه‌تیلگن اېدی.
حاضرگه قدر تخار ولایتیده اۉزبېک تیلی اۉقیتیلیشی اوچون چیکلاولرگه نیمه سبب بۉلگنی انیق معلوم اېمس و طالبان هم بو خصوصده ایضاح بېرمه‌گن.
