جوزجان ولایتی یشاوچیلریدن بیری اۉزبېک تی‌وی بیلن شریک قیلگن معلومات‌لریده، اوشبو ولایتده قشاق اهالی، انسان‌پرورلیک یاردملر تۉخته‌تیلگنیدن خواطرده دېب بیلدیرگن.
اۉزبېک‌تی‌وی بیلن شریک قیلینگن صورت‌لرده کۉپلب اهالی یاردم سۉره‌ب صف‌گه تورگنلری کۉرینه‌دی.
بو صورت‌لرنی شریک قیلگن جوزجان یشاوچیسی اۉزبېک تی‌وی گه ایتیشیچه “جوزجان فقیرلری یاردملر باغلنگنیدن کۉپ پریشان بۉلگن. ایش یۉق‌لیکدن رنج تارته‌دیلر. اگرده بیران جای‌ده هم ایش بۉلسه، هلمنددیک ولایتلردن پشتون‌لر و حتا پاکستان‌دن آلیب کېلینیب ایش‌گه آلینه‌دی.”
جوزجان بو اهالیسی انیق قیسی لایحه‌ده باشقه ییرلردن ایشچی آلینگنینی آچیق‌لگن اېمس. بیراق بوندن ایلگری قوش‌تیپه کانالی و باشقه اقتصادی لایحه‌لر ایشلاوچیلری کۉپینچه باشقه ییرلر اهالیسی، اینقسه پشتون‌لر بۉلگنی خبر قیلینگن اېدی.
عینی حالده، افغانستان‌ده انسان‌پرورلیک یاردملر هم کونسه‌یین آزه‌ییب بارماقده و بو یاردملر کۉپلب کېلگن زمانی هم طالبان تامانیدن ناعادلانه ترقه‌تیلیشی خبر قیلینگن اېدی.
