افغانستان پایتختی کابل شهریده، بوگون سه‌شنبه ۲- ثور «قزاق-افغان» نامی آستیده‌گی سوداگرلیک مجموعه‌سی آچیلدی.
اوشبو مناسبت بیلن یۉلگه قۉییلگن احتفالده، طالبان نینگ یوقاری مرتبه‌لی رسمی‌لری، قزاقستان باش وزیری نینگ اۉرین باسری سیریک ژومانگارین، بیرلشکن ملتلر تشکیلاتی باش کاتبی نینگ افغانستان‌ده‌گی وکیلی رزا اوتنبایوا و یوزلرچه سوداگر و تدبیرکار اشتراک قیلگن.
ییغین اشتراکچیلری، بو مجموعه‌نی افغانستان و قزاقستان آره‌سیده سوداگرلیک علاقه‌لر کوچه‌یشی اوچون اونملی بیان قیلیب، ایکی مملکت‌ارا اقتصادی همکارلیکلر آشیشی‌گه تاکید قیلدی‌لر.
ایتیش کېره‌ک که اوشبو مجموعه، اقتصادی ییغیلیش‌لر و قزاقستان و افغانستان محصولاتلری نینگ کۉرگزمه‌سیدن عبارت دیر.
مذکور کۉرگزمه‌سی اوچ کون‌لیک بۉلیب، کېله‌سی ایکی کونگه قدر دوام اېتیشی ریجه‌لشتیریلگن.
