بوگون ثور آیی نینگ ۱۷ – افغانستان معاصر تاریخی همده فاریاب نینگ تانیقلی شاعر و خطاط‌لریدن، حضرت میرزا محمد یحیی نادم قیصاری وفاتی ییللیگی بیلن ماس دیر.
فاریاب تاریخی نینگ بو تانیقلی ادبی سیما، قویاش ۱۲۴۸ – ییلی دنیاگه کېلیب، ۸۹ ییل عمر کۉرگن.
نادم قیصاری ۲۳ یاشی‌ده، اوشبو وقت میمنه حاکمی درباریده کاتب‌لیک لوازمی‌ده ایش‌گه باشله‌یدی. کیین اېسه خزانه‌دار لوازمی‌ده ایشله‌یدی.
بو حقده بۉلگن معلومات‌لرگه کۉره، نادم قیصاری بیر قنچه ییل حکومت درباریده رسمی ایش بجریش‌دن کیین، قیصارگه کېتیب بو منطقه‌ده ایکینچیلیک ایشلری بیلن شغللنه‌دی و بونی یانیده شعریت و علمی ایشلر بیلن هم بند بۉله‌دی.
نادم قیصاری بویوک شاعرلر، جمله‌دن نوایی، مولانا، حافظ و شونگه اوخشش باشقه بیر قنچه ییریک شاعرلر ایجادلریگه قیزیقیب، اۉزبېک و فارس تیللریده شعر یازه‌دی.
عینی حالده نادم قیصاری شاعرلیک یانیده، خوشنویس‌لیکده هم قۉلی اوستون بۉلگنی اَیتیله‌دی.
دېیرلی فاریاب نینگ بو ییریک تاریخی و ادبی سیماسی، قویاش ۱۳۲۷ – ییلی ثور آیی نینگ ۱۷ – سی عالم‌دن اوته‌دی.
