سۉنگّی معلوماتلرگه کۉره، نیپال و چینده یوز بېرگن هلاکتلی سېل عاقبتیده قربانلر سانی۶۳۳ کیشیگه، بېدرَک یۉقالگنلر سانی اېسه قریب 3 مینگ کیشیگه یېتگن.
خبرلرگه کۉره، اَیریم جسدلر سوو آقیمی آرقهلی هندوستان نینگ اوزاق حدودلریگه آقیب کېتگن بۉلیشی ممکن.
فرانس پرس آژانسینینگ خبر بېریشیچه، نیپال سکوتلر تشکیلاتی نینگ فوق العاده وضعیتلرگه جواب بېریش گروهی قوتقرووچیلریدن بیری کاوان کویرالا قوتقروو کوچلری چوقور و یاپیشقاق لای ایچیده کتّه قیینچیلیک بیلن ایشلهیاتگنینی ایتگن.
او۱۸ ساعتلیک نوبتچیلیکدن سۉنگ فرانس پرس آژانسیگه شوندهی دېدی: «آدملر عایله اعضالری نینگ تیریک یاکه وفات اېتگن بۉلیشیدن قطع نظر، اولرنی تاپیشنی ایستهیدی، اما بیز اولرنی تاپه آلمهیهپمیز… لای نینگ اۉزینی کۉریب توریبسیز.»
اونینگ قۉشیمچه قیلیشیچه: «مېن اوچون هم بو جوده لرزهلی. بوندهی حادثهنی بیرینچی مرته کۉریشیم. همه جای لای. نیپالده بوندن آلدین هم سېللرگه دوچ کېلگنمیز، اما بوندهی کۉرینیشده اېمس.»
امریکا جیولوژی خدمتی چهارشنبه کونی تبت و نیپال چېگرهسیده یوز بېرگن فلاکت موزلیک مسّهسی نینگ قولهب توشیشی عاقبتیده صادر بۉلگنینی معلوم قیلگن. نتیجهده اولکن مقداردهگی لای و ویرانهلر آقیمی پستتېکیسلیک حدودلریگه آقیب توشگن.
نیپال فوق العاده وضعیتلرنی باشقریش ادارهسی نینگ معلوم قیلیشیچه، ییریک انرژی تاسیسات لایحهلری جایلشگن حدودده بېدرَک یۉقالگنلر آرهسیده۹۳۳ نفر برق آبی نیروگاه خادیمی و۵۱۷ نفر خارجلیک، جملهدن، تبتدهگی مقّدس کایلاش تاغیگه یۉل آلگن کوهنوردان و زائرالربار.
قیزیل خاچ تشکیلاتی چهارشنبه کونگی فلاکت عاقبتیده یوزهگه کېلگن روحي جراحتلر «جوده کتّه» اېکنینی بیلدیرگن و حادثه۹۳مینگ نفرگچه آدمگه تأثیر قیلگن بۉلیشی ممکنلیگینی معلوم قیلگن. تشکیلات، شونینگدېک، قربانلر سانی ینه آشیشی ممکنلیگیدن آگاهلنتیرگن.
اولکن موز و لای آقیمی نتیجهسیده کتّه کۉللر پیدا بۉلگن. اوشبو کۉللردن بیری حاضرده ینه سېل کېلیشی خوفینی یوزهگه کېلتیرماقده.
ینه سېل کېلیشی احتمالی حقیدهگی خواطرلر بېدرَک یۉقالگنلرنی قیدیریش-قوتقریش ایشلرینی هم ینه-ده قیینلشتیرماقده.
